Auglýst eftir framboðum

Kjörnefnd auglýsir eftir framboðum til stjórnar Almenna-Lífsverks lífeyrissjóðs. Stjórnarkjör fer fram með rafrænum hætti. Samkvæmt samþykktum sjóðsins skal stjórn skipuð sjö sjóðfélögum til þriggja ára í senn og skal stjórnin að lágmarki skipuð þremur konum og þremur körlum að loknu hverju stjórnarkjöri.

• Samkvæmt bráðabirgðaákvæði um sameiningu Almenna og Lífsverks verður stjórnin þó skipuð níu sjóðfélögum 2026-2027.
• Að þessu sinni er kosið um tvö sæti í aðalstjórn og skal a.m.k. annað þeirra skipað konu. Kjörtímabil er til þriggja ára.
• Eingöngu sjóðfélagar geta boðið sig fram til stjórnar en viðmiðunardagur fyrir kjörgengi eru næstliðin áramót fyrir ársfund.
• Nánari hæfisskilyrði er að finna í 31. gr. laga nr. 129/1997 um
  skyldutryggingu lífeyrisréttinda og starfsemi lífeyrissjóða.

Framboðsfrestur er til kl. 23:59 þann 11. mars 2026. Framboð verða að berast kjörnefnd með sannanlegum hætti, svo sem með bréfi eða tölvupósti, fyrir lok framboðsfrests.

Hægt er að senda framboð með bréfi á skrifstofu sjóðsins að Dalvegi 30, 201 Kópavogi, eða á netfangið kjornefnd@almenni-lifsverk.is.

• Með framboðum skulu fylgja helstu upplýsingar um frambjóðanda, s.s. nafn, kennitala, netfang, sími og heimilisfang.
• Frambjóðendum verður boðið að kynna sig á vef sjóðsins.Kjörnefnd Almenna-Lífsverks lífeyrissjóðs, 25. febrúar 2026
  Elísabet Árnadóttir, Ólafur H. Jónsson og Kristín Edwald